About me

39010306_675118672844128_1402190205191979008_n (1)Բարև սիրելի ընթերցող, բարի գալուստ իմ աշխարհ: Այս էջում ես սիրով կպատմեմ քեզ հեղինակի` այսինքն իմ մասին:
Ես Տիրուհի Պետրոսյանն եմ, ծնվել եմ 1999 թվականի փետրվարի 4-ին, Վրաստանում`Ախալքալաքի շրջանի Խուլգումո գյուղում: Ապրում եմ իմ ծննդավայրում` Ջավախքում` սար ու ձորի, մաքուր օդի ու գեղատեսիլ բնության մեջ: Ավարտել եմ Խուլգումոյի հանրային դպրոցը: Այժմ ուսումս շարունակում եմ Թբիլիսիում` Իվանե Ջավախիշվիլու անվան Թբիլիսիի պետական համալսարանի 1-ին կուրսում` բիզնես-էկոնոմիկայի ֆակուլտետում ու դեռևս ամենամեծ նպատակս լավ սովորել ու համալսարանն բարեհաջող ավարտելն է` հաշվապահի մասնագիտությամբ:
Ազատ ժամանակ սիրում եմ նկարել, լսել երաժշտություն (առանց երաժշտության ու ականջակալներիս չեմ պատկերացնում կյանքս), սիրում եմ ընկերներիս հետ ժամանակ անցկացնել, ինչպես նաև սիրում եմ տարբեր ժանրերի ֆիլմեր դիտել, նամանավանդ տխուր (որոնց ժամանակ հավեսով լաց եմ լինում 😀 ), վերջերս սկսել եմ նաև սերիալներ նայել, այդ պատճառով, եթե հարց առաջանա ինչ ֆիլմ կամ սերիալ դիտել, կարող եք դիմել, հաստատ կկարողանամ օգնել 😀 : Ահավոր շատ սիրում եմ սպորտ, հատկապես ֆուտբոլ ու բիաթլոն: Սիրածս ֆուտբոլային թիմը Բարսելոնան է, հավաքականը` Բրազիլիայի հավաքականը, իսկ ֆուտբոլիստը` Նեյմարը: Բիաթլոնի մասին երևի չխոսեմ, որովհետև այնքան էլ հայտնի սպորտաձև չէ, ու երևի հիմա շատերը չհասկացան, որ սպորտի մասին է խոսքը 😀 , չնայած բացի այս երկուսից սիրում եմ նաև մնացաց բոլոր սպորտաձևերը, բացի` բռնցքամարտից ու դրա նման սպորտաձևերից, որտեղ բառիս բուն իմաստով ծեծում են իրար:
Բնավորությամբ անկեղծ մարդ եմ, ուրախ, ընկերասեր ու ամենակարևորը շատ եմ սիրում խենթություններ անել, ինչպես բոլորը ես էլ ունեմ թերություններ, բայց հույսով եմ առավելություններս ավելի շատ են 😀 Բնավորությանս վատ գիծն այն է, որ ոչ մեկից չեմ նեղանում (չհաշված ձևական նեղանալս 😀 ) ու շուտ եմ հիասթափվում:
ՈՒնեմ շատ երազանքներ, օրինակ`գնալ Փարիզ ու Նյու-Յորկ, ճանապարհորդել տարբեր երկրներում, թռնել պարաշյուտով ու էլի ու էլի շատ երազանքներ 🙂
Իմ բլոգը`իմ մտքերի, երազանքների ու պատկերացումների աշխարհն է: Բլոգում ես Ձեզ հետ կկիսվեմ իմ մտքերով, գեղեցիկ լուսանկարներով ու հետաքրքիր պատմություններով: Այստեղ եմ գրում այն ամենը, ինչն հաճախ համարձակություն չեմ ունենում բարձրաձայնելու:
Այսքանը իմ մասին,հույսով եմ Ձեզ դուր կգա իմ բլոգը: 🙂

P. S. Ինձ կարող եք գտնել նաև
Facebook-ում` https://www.facebook.com/tiruhi.petrosyan.756
Instagram-ում` https://www.instagram.com/tiruhi1999/
Կամ գրել իմ էլեկտրոնային փոստի հասցեին` tiruhip@gmail.com

P. P. S. Իսկ նկարի պուպուշ աղջիկը ես եմ, վերոնշյալ գեղատեսիլ բնության գրկում 😀

Advertisements
2 Comments

2 thoughts on “About me

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s