Archives

Մեկ աշխարհ` երկուսի համար

261643416a6bd633d7b2dce1296eec88Գիտեք, ինձ համար սիրելը` դա ցանկությունն է ինչ-որ մեկի հետ կիսել քո աշխարհը: Երբ մի պահ հասկանում ես, որ ամեն ինչ փոխվել է, հանկարծ բռնում ես քեզ այն մտքի վրա, որ սրտանց ուզում ես տեսնել, զգալ, դիպչել, ապրել ամեն ինչ` կիսելով ամեն զգացողությունդ մեկ այլ մարդու հետ, ու այդ մարդը ոչ թե աբստրակտ ու երևակայական է, այլ կոնկրետ մեկն է, ում մեջ քո ապագան ու երջանկությունն ես տեսնում: Նրա հայացքը, նրա կարծիքը, նրա զգացողությունները` կապված ամեն ինչի հետ, քեզ անչափ կարևոր են, հետաքրքիր են ու նույնիսկ հարկավոր: ՈՒ այնպիսի տարօրինակ զգացողություն է, երբ նա կողքիդ չէ, ասես, շուրջն ամեն հրաշալի բան կորցնում է իր իմաստը` բնությունը, աշխարհը, նկարները, բանաստեղծությունները, պատմությունները, երաժշտությունը… ամեն ինչ կորցնում է իր իմաստը, եթե նրանց մասին ոչ մեկի չես պատմում, ոչ մեկի հետ չես կիսում այն, ինչ ծնվում է քո գլխում, քո սրտում ու հոգու խորքերում:
Յուրաքանչյուրս էլ ունենք շատ բաներ, որ մենակ մերն է, մեր անձնականն է, մենակ մենք գիտենք ու մեր սեփականն է, բայց քո այդ ամենն հետաքրքրում է ինչ-որ մի կոնկրետ մարդու, իսկ նրանը` քեզ, ու դու այդ գաղտնիքներիդ մասին ուզում ես ասել նրան ու իմանալ նրա մասին ամեն ինչ, որ կարողանաս ամբողջությամբ ճանաչել նրան, լինել նրա հետ մի ամբողջություն: Continue reading

Advertisements

Կյանքի մի նոր էջ

3678cc9e46ed4ab7e95d32f280c873d0Միշտ էլ դժվար է սկսել կյանքը նոր էջից, բայց երբեմն դա շատ է հարկավոր: Նամանավանդ այն ժամանակ, երբ մտածում ես ու հասկանում ես, որ առջևում փակուղի է ու այլևս առաջ գնալու տեղ չկա, ու նշանակություն չունի ինչ ոլորտի մասին է խոսքը: Հարկավոր է միայն ինքներս մեր մեջ գտնենք ուժ նրա համար, որպեսզի հավաքենք համարձակություն, մաքրենք մեր աչքերից արցունքներն ու ասենք ինքներս մեզ «ես կարող եմ, ես կանեմ»: Հարկավոր է ինքներս մեր մեջ գտնենք այն ուժը, որպեսզի չհանձնվենք ու շարունակենք շարժվել առաջ, ու երբեք չմեղադրենք մեզ անհաջողությունների ու սխալների համար, մենք փորձել ենք լինել երջանիկ, ուղղակի գնացել ենք ոչ ճիշտ ուղիով, ոչ ճիշտ ճանապարհով: Ոչ մի վախենալու բան չկա նրա մեջ, որ ունենաս համարձակություն ու ամեն ինչ փոխես, նույնիսկ եթե հարկավոր է ամեն ինչ սկսել սկզբից, իհարկե դժվար կլինի, ոչ մեկ չի ասում, որ ապրելն հեշտ է, շատ դժվարություններ կհնադիպեն, բայց մենք կարող ենք հաղթահարել դրանք: Դժվարություններն հաղթահարելով ձեռք ենք բերում փորձ, սխալներն թույլ են տալիս տեսնել ամեն ինչ ուրիշ կողմից ու այլ ձևի ընկալել: Երբ դու քեզ հարմարավետ չես զգում կյանքի այս րոպեներին, քեզ տանջում է այն զգացողությունը, որ կյանքն անցնում է ու դու ոչինչ չես հասցնում, երբ չես կարողանում հանգիստ շունչ քաշել, պետք է կանգնել, ուղղակի կանգնել ու հետ նայել անցած ճանապարհիդ, տալ շատ հարցերի պատասխան, որոնք տանջում են քեզ, հասկանալ արդյոք ամեն ինչ այնպես է, ինչպես ինքդ ես ուզում: Continue reading

Հայացքդ բառերի փոխարեն

imageՀետաքրքիր է, ինչքան ուժեղ կարող են մարդիկ ազդեցություն գործել մեր վրա: Ինչպես ընդամենը մի մարդու բացակայությունը կարող է տխրության ու դեպրեսիայի մեջ գցել մարդուն, իսկ նրա ներկայությունը դարցնել քեզ աշխարհի ամենաերջանիկ մարդը ու նվիրել դեմքիդ ժպիտ մինչև ականջներ: Մի հայացքը կարող է փոխել կյանքդ, մտածելակերպդ, մեկ մարդն կարող է մտնել քո կյանք ու ամբողջովին փոխել քեզ, դառնալ շատ կարևոր ու թանկ:
Մարդկային հայացքում այնքան շատ բան կա թաքնված, որ այն կարող է տակնուվրա անել զգացմուքններդ, սիրտդ ու հոգիդ, կյանքդ: Յուրաքանչյուր հայացք ունի ինչ – որ նշանակություն, ինչ – որ իմաստ, որն երբեմն շատ պարզ է ու հասկանալի, իսկ երբեմն գաղտնի ու խորհրդավոր:
Ամեն ինչ սկսվում է հայացքից, միշտ … Երկու հայացքներ հանդիպում են իրար ու երկուսի սրտում էլ վառվում է կրակ, սիրո կրակը, որն սկսվում է հայացքներով, սիրահարվածությամբ ու դառնում է անսահման մեծ սեր: Ամեն ինչ սկսվում է հայացքից, ես դա զգացի, երբ սկսեցիր նայել ինձ արտասովոր հայացքով, դա նման չէր մնացած հայացքներին, որ դա սովորական ընկերական հայացք չէր ու տարբերվում էր նրանցից, թե ինչպես էիր նայում ինձ մինչ այդ:  Continue reading

Ֆուտբոլի իմ պատմությունը

33992837_241008310003509_5501303908707860480_nԵթե ֆուտբոլի սիրահար եք, կամ էլ հետևում եք աշխարհում տեղի ունեցող իրադարձություններին ու նորություններին, ապա անպայման լսած կլինեք, որ այս օրերին աշխարհում ընթանում է Ֆուտբոլի Աշխարհի առաջնությունը, չնայած ավելի ճիշտ կլինի ասել վերջանում է, որովհետև այսօր եզրափակչի խաղն է, որում հանդիպելու են Խորվաթիան և Ֆրանսիան, չեմ կարող ասել ինչ արդյունքով կվերջանա խաղը և ում հաղթանակով, բայց ԱՅՍ ԽԱՂՈՒՄ ես Ֆրանսիայի կողմից եմ: Իսկ թե ինչու նշեցի, որ կոնկրետ այս խաղում, պատճառը մեկն է` իմ սերն արդեն վաղուց նվիրել եմ Բրազիլիայի հավաքականին:
Բոլոր սպորտաձևերի մեջ ֆուտբոլն ինձ համար լավագույնն է, իսկ նրա հանդեպ սերն առաջացել է ինձ մոտ 4 տարի առաջ, 2014 թվականին Բրազիլիայում տեղի ունեցող Ֆուտբոլի Աշխարհի Առաջնության շնորհիվ: Դրանից առաջ էլ իհարկե ծանոթ էի այս սպորտաձևին, հայրս հաճախ էր նայում, ես էլ նրա հետ, ճանաչում էի որոշ ֆուտբոլիստների ու որոշ թիմերի, բայց 2014-ի առաջնությունը նայելով սկսեցի էլ ավելի հետաքրքրվել ֆուտբոլով ու սիրել: Չգիտեմ ինչի, հավաքականներից ինձ միանգամից գրավեց Բրազիլիայի հավաքականը: Միգուցե պատճառն այն էր, որ միշտ ինձ դուր է եկել այդ պետությունն, հետո սկսեցի հետաքրքրվել նրա ֆուտբոլիստներով, տեսա այնտեղ Նեյմարին ու… սիրահարվեցի 😀 : Continue reading

Արձակուրդներր ու նորանոր գրառումներ))

c55381b0eaf64fdb3485b3fc30b4c454Արձակուրդներրր… վերաջապես ավարտվեցին դասերս, քննություններս, ավարտվեց ուսումնական տարին ու սկսվեցին ամառային արձակուրդներս, շոք ու մարդաշատ Թբիլիսիից հեռու, իմ հայրենի Խուլգումոյում, մաքուր օդին, կանաչապատ բնության գրկում: Ճիշտ են ասում, որ միջավայրը մեծ նշանակություն ունի ստեղծագործելու ունակության համար, մի քանի օր է, ինչ եկել եմ ու արդեն մտքումս պտտվում են թեմաներ, որոնց մասին անպայման ուզում եմ գրել ու մտքերս ինչքան հնարավոր է շուտ հանձնել թղթին, որպեսզի ոչ մի բառ չմոռանամ ու բաց չթողնեմ:
Մուսաս եկել է ու ուզում եմ անընդհատ գրել: Երևի պատճառն հարազատ շրջապատն է, կամ էլ սենյակիս մթնոլորտը, որին այնքան շատ էի կարոտել, միգուցե ծննդավայրիս մաքուր օդն ու բննությունն են ոգեշնչում կամ էլ շուրջս կատարվող իրադարձությունները, մարդիկ ու նրանց պատմությունները, չգիտեմ, միայն գիտեմ, որ բառերն առանց իրար հերթ տալու գալիս են մտքիս, երևակայությունս թևեր է առել ու թռչում է, իսկ ես… ես գրում եմ, գրում եմ այն ամենն, ինչ տանջում է հոգուս, ինչն այլևս չեմ կարող պահել ներսումս: Գրում եմ, գուցե ինչ – որ մեկի մտքերն արտահայտելով, կամ էլ ինչ – որ մեկին մի ուղղություն ցույց տալով ու օգնելով: Continue reading

Սերն իմ սրտում

068955bedc685dbc06b139c91929fb1dԱշխարհն փոխվել է, մեր ժամանակներում մարդկանց վստահելն այնքան վտանգավոր է դարձել, այնքան դժվար է հավատալ ինչ – որ մեկին: Կյանքի կարևոր արժեքներն ընկել են երկրորդական պլան, իսկ առաջին տեղում շահն է, փողն ու չարությունը: Դա է պատճառն, որ երբեմն վախենում ես հավատալ մարդկանց խոսքերին, չես ուզում արտահայտել զգացմունքներդ ու այն ամենն, ինչ կա հոգուդ մեջ` վախենալով, որ կարող են խաղալ զգացմունքներիդ հետ ու կոտրել սիրտդ:
Յուրաքանչյուր մարդ, որն հայտնվում է կյանքումդ, հայտնվում է շատ հանկարծակի, այն պահին, երբ չէիր սպասում, ու հայտնվում է նա, ով բոլորովին անծանոթ էր, կամ էլ տեսել էիր ընդամենը մի քանի անգամ, բայց երբեք չէիր պատկերացնի, որ հնարավոր է իրար հետ ինչ – որ կապ ունենաք: Բայց, ինչպես գիտեք, ճակատագիրն սիրում է անսպասելի անակնկալներ անել ու կյանքումդ շատ պատահական հայտնվում է մեկը, ով իր ամբողջ սերն ու ուշադրությունն քեզ է նվիրում, ով քո համար պատրաստ է լինում ամեն ինչի ու փորձում է ամեն ինչ անել այնպես, որ հանկարծ չնեղացնի քեզ ու շահի վստահությունդ: Իսկ դու… դու չես վստահում, չես կարողանում վստահել, վախենում ես խաբվելուց ու զգացմունքներդ արտահայտելուց, վախենում ես, որ կկոտրեն սիրտդ ու կխաղան զգացմունքներիդ հետ, ու այդ վախով ապրելով չես նկատում ոչինչ, ոչ նրա տված սերը, ոչ խոսքերն ու արարքները: Continue reading

Նա, ում պետք ես, միշտ կլինի կողքիդ

32ddb6f197a93d32723aba3d48c5d6faԵթե մարդն չի գրում, ուրեմն նա ուղղակի չի ուզում: Սրճարանում, տանը, խնջույքին` բազմաթիվ հյուրերի ու բարեկամների հետ, յուրաքանչյուր տեղ ու յուրաքանչյուր իրավիճակում մարդն կգտնի հնարավորություն հանել հեռախոսը գրպանից ու ուղարկել մի քանի բառ: Բայց միայն եթե իրոք քո կարիքն ու քեզ հետ շփվելու ցանկություն ունի: Այդ ամենին չի ազդում ոչ ալկոհոլը, ոչ թմրանյութը, ոչ երկրի քաղաքական վիճակն ու ոչ էլ եղանակի տեսությունը: Այստեղ ամեն ինչ շատ ավելի պարզ է: Գրում են, երբ ունեն ցանկություն: Քո գոյության մասին պետք չի հիշեցնել, քո գոյության մասին չեն մոռանում, եթե իրոք նրանց համար կարևոր ես:
Նա, ում պետք ես, կգա քեզ մոտ ամեն օր, չնայած զբաղվածությանը, կգտնի քեզ համար 5 րոպե ժամանակ, որպեսզի ձայնդ լսի: Նա, ում պետք ես, չի ստի քեզ երբեք, թեկուզ միայն այն պատճառով, որ քեզանից թաքցնելու ոչինչ չունի, նա թույլ չի տա ամբողջ գիշեր լինել online ու չքնել, նա հոգ կտանի քո մասին, կհետաքրքրվի ինչպես է անցել օրդ, առավոտյան հաց կերել թե ոչ, տանից դուրս գալուց տաք հագնվել ես թե ոչ: Նա, ում պետք ես, ոչ միայն չի մոռանա ծննդյանդ օրվա մասին, այլև քեզ հետ կլինի ամբողջ օրը ու մի մեծ տոն կդարձնի այդ օրը քեզ համար: Նա, ում պետք ես, չի տա պատճառ մտածելու, որ չի սիրում էլ քեզ ու չի անջատի հեռախոսը, մինչև որ չպարզվի հարաբերությունները ու չբարիշեք: Նա կգիտենա, թե այսօր ինչ ես արել / անում / անելու: Continue reading