Archives

Մի սեր, որ ուներ սկիզբ ու չուներ ավարտ

Սենա… Յամաչ… Մի պատմություն, որ սկսվեց շատ պատահական, գիշերային քաղաքի փողոցներից մեկում: Մի սեր, որ ուներ սկիզբ ու չուներ ավարտ, որ շարունակվելու էր մինչև հավերժություն: Պատմություն երկու սրտերի մասին, որ գտան իրար, հանդիպեցին, սիրահարվեցին, սիրեցին միմյանց, իրար կապեցին ճակատագրերն ու հոգիներն, շատ դժվարությունների միջով անցան, բայց չդադարեցին սիրել իրար, թույլ չտվեցին ոչ մեկի բաժանել իրենց, ու խոստացան միմյանց միշտ սիրել, հավերժ մեկ մեկու կողքին լինել, չնայած ամեն ինչին, ապրել` եթե ոչ միասին, ապա մեկ մեկու սրտում, հավերժ... Սենան Յամաչի համար դարձավ ամեն ինչ, իր մութ կյանքի մեջ լույսի շող դարձավ, մարդ, որի համար ամեն ինչ կաներ, կյանքն էլ կտար առանց մտածելու։ Յամաչն Սենայի համար դարձավ ամեն ինչ, դարձավ ընտանիք, որն մինչև այդ չէր ունեցել, դարձավ նրա ասպետը, որի իրական լինելուն ինքն էլ չէր հավատում։ Նրանք գտան ու լրացրեցին իրար, մեկ մեկու կողքին իդեալական դարձան, սիրեցին իրար, սիրեցին...

Ես առաջ չէի հավատում առաջին հայացքից սիրուն, չէի հասկանում ինչպես կարող են մարդիկ սիրել իրար` ընդամենը մի քանի օր ճանաչելով, ախր սիրելու համար պետք է ճանաչել միմյանց, պետք է վստահ լինել զգացմունքների մեջ ու նոր խոստովանել, բայց հիմա հասկանում եմ, որ դա ամենևին էլ պարտադիր չէ, որ եթե գտնում ես քո իրական կեսին, կարող ես ամուսնանալ նրա հետ, եթե նույնիսկ ընդամենը 5 օր ես ճանաչում նրան ու այդ 5 օրում նա կարող է քեզ այնքան սեր պարգևել, ինչքան որ ամբողջ ապրածդ կյանքում ոչ մեկից չես ստացել։

Continue reading
Advertisements

Ես հասկացել եմ…

Ես հասկացել եմ, իդեալական մարդ չկա, բացարձակ ճիշտ մարդ չկա, ինչքան էլ մարդն լինի բարեսիրտ, խելացի, լավը, միևնույնն է սխալվում է, երբեմն նույնիսկ աններելի սխալ է անում։ Բայց նաև հասկացել եմ, որ ամենաուժեղ մարդիկ կյանքում ներել իմացող մարդիկ են, բայց ոչ նրանք ովքեր թույլ են տալիս օգտագործել իրենց ներողամտությունը, այլ նրանք ովքեր ներում են, բայց նաև ստիպում են զղջալ արած քայլերի համար ու փոխվել։ Այո, այո, ես հավատում եմ, որ մարդիկ կարող են փոխվել դեպի լավը, բայց բացառիկ մարդիկ ունեն այդ ընդունակությունը, քանի որ փոխվելու համար կամքի ուժ ու մեծ ցանկություն է պետք։
Ես հասկացել եմ, որ ամենաթանկ բանն աշխարհում ընտանիքն է։ Ընտանիքն ամեն ինչ է։ Եթե քեզ ընտանիքդ չի աջակցում, ուրեմն դու ոչ-ոք ես։ Դու ոչ-ոք ես, եթե քո հետևում ընտանիքդ չի կանգնած։ Նրանք քո ձեռքերն ու ոտքերն են։ Նրանք քեզ կպաշտպանեն, երբ դա հարկավոր լինի, իսկ դու պաշտպանելու ես նրանց։ Ընտանիքն ամեն ինչ է։
Ես հասկացել եմ, որ երբ սիրում ես, հաճախ ստիպված ես լինում զոհողությունների գնալ, մոռանալ սեփական ցանկությունների ու երազանքների մասին ու ստեղծել նոր ապագա, միասնական ուժերով` միասնական երազանքների ու ցանկությունների վրա հիմնված: Ու հասկացել եմ, որ այդ երազանքներն իրականանում են, երբ կողքիդ ճիշտ մարդ է կանգնած։

Continue reading

Կինոներ (մաս 6 – սերիալներ)

47690740_309930196319366_3042677574287893733_nՍերիալներրր
Այսօր գրելու եմ իմ սիրած թեմայի` սերիալների մասին: Եթե մի քանի տարի առաջ ինձ ասեին, որ ես սերիալների գիժ եմ դառնալու, ես ուղղակի կծիծաղեի, որովհետև չէի սիրում սերիալներ ու չէի նայում, բայց ամեն ինչ փոխվեց ու հիմա ինձ համար սերիալներ նայելը դարձել է ժամանակ անցկացնելու լավագույն միջոցը: Հիմնականում նայում եմ ռոմանտիկ սերիալներ, սիրո, մարդկային հարաբերությունների մասին, իհարկե սիրուն ու տաղանդավոր դերասաններով (եթե սերիալի զույգը դուր չեկավ, ինչ էլ լինի չեմ կարող նայել այդ սերիալը 😀 ): Ընդանուր նայել եմ 23 սերիալ, որոնցից մի քանիսի մասին առանձին կգրեմ ու կնկարագրեմ տպավորություններս: Նաև ասեմ, որ նայում եմ հիմանականում թուրքական սերիալներ (ինձ համար արվեստի ու արհեստի մեջ նշանակություն չունի երկիրն ու ազգությունը, կարևորն այն է, որ լինի լավ աշխատանք): Բացի թուրքականներից, նայել եմ մի քանի կորական դորամա, մի քանի ռուսական ու մի ամերիկական սերիալ: Մի խոսքով, եթե սիրում եք սերիալներ, շարունակեք կարդալ գրառումը, իսկ եթե` ոչ, ուրեմն իջեք ներքև, այս գրառումը ձեզ համար չէ 🙂 : Continue reading

Մամ ❤

Մամ, իմ ամենաթանկ, իմ ամենասիրուն, իմ ամենահամբերատար, իմ ամենաներողամիտ, իմ ամենա-ամենա… Մամ, դեռ չծնված քո անսահման սերն եմ զգացել, առաջին անգամ աչքերս բացել ու քեզ եմ տեսել, առաջին բառս “Մամա” է եղել, առաջին սերս քեզ եմ տվել: Դու ես ինձ սովորեցրել ամեն ինչ այս կյանքում` քայլել, խոսել, դու ես սովորեցրել ապրել, ճիշտ ապրել: Դու ինձ սովորեցրել ես, որ ամեն ինչ այս աշխարհում փոխադարձ է` սերը, հոգատարությունը, բարությունը, որ ինչ որ տալիս ես մարդկանց, ամեն ինչ անպայման կվերադառնա քո մոտ: Մամ, դու ինձ սովորեցրել ես լինել շնորհակալ, աղոթել, ու չհանձնվել: Մամ, քո օգնել փորձող հայացքն ինձ միշտ ուժ է տվել, միայն քո կողքիս գտնվելը ինձ համար աշխարհ արժե: Երբ ես տեսնում եմ երջանկության արցունքներ քո աչքերում, կարող եմ հաղթահարել ամեն ինչ այս կյանքում, ամեն մի դժվարության կարող եմ դեմ գնալ, միայն այն մտքի համար, որ դու հպարտանալու ես ինձնով ու յուրաքանչյուր հաջողության, որ հասել եմ միայն քո շնորհիվ ու քեզ համար եմ արել, որ միշտ իմ մասին խոսելուց գլուխդ բարձր պահես ու աչքերումդ հպարտություն տեսնեմ: Մամ, քո աչքերից կաթած ամեն տխրության արցունք ցավ է պատճառել սրտիս, ու ես ինձ այնքան մեղավոր եմ զգում, որ գուցե ինչ-որ տեղ նեղացրել եմ քեզ, ստիպել եմ մտահոգվել իմ մասին: Մամ, դու ամենաուժեղ ու ամենագեղեցիկ կինն ես աշխարհում ու գիտես ինչքան հաճելի է ինձ զգալ, որ շատ բաներով նման եմ քեզ, այնքան ուրախ եմ, որ շատ հարցերում ես հենց քեզ նման եմ մտածում, ուրախ եմ, որովհետև գիտեմ դու միշտ ճիշտ ես:

Continue reading

Սիրտս ցավում է կարոտից

Այն մասին, ինչի պատճառով ցավում է սիրտը, հազվադեպ են խոսում բարձրաձայն, որովհետև սիրտն իրականում ցավում է մի պատճառով, որում ոչ ոք չի կարող օգնել: Սիրտն ցավում է տեսնելու, գրկելու, կրկին սիրելու ցանկությունից, ցավում է անսահման կարոտից, որի դիմաց ոչ մի բուժիչ դեղ չկա:
Իսկ դուք գիտե՞ք, ինչպիսին է դա`կարոտել մի մարդու, ով արդեն վաղուց քոնը չէ, ում մեջ արդեն ոչ մի զգացմունք չկա քո հանդեպ: Այլևս չես զբաղեցնում նրա մտքերը, արագ չի զարկում նրա սիրտը քեզ համար, քեզ տեսնելուց ու հոգին չի ծաղկում ամեն անգամ քո մասին հիշելուց: Գիտե՞ք ինչ զգացողություն է դա` կարոտել նրան, ով արդեն վաղուց օտար է: Բայց միևնույն ժամանակ, եթե օտար է, ինչի՞ ես կարոտում: Կարոտում ես, որովհետև ինչ-որ ժամանակ նա ամենահարազատ ու ամենաթանկ մարդն է եղել կյանքումդ, քեզ երջանկացրել է, նվիրել է թևեր ու սովորեցրել է թռչել: Որովհետև հենց նրա հետ ես զգացել, թե ինչպիսին է դա` լինել սիրված ու ցանկալի: Նրան հետ են կապված եղել ամենաերջանիկ պահերդ: ՈՒ եթե ուղեղդ համոզում է քեզ, որ ժամանակն է մոռանալ ու ջնջել ամեն ինչ, ինչ կապում է քեզ նրա հետ, սիրտն չի կարողանում թողնել, չի կարողանում համակերպվել այն մտքի հետ, որ նա արդեն չկա, որ դու սիրում ես, իսկ որպես պատասխան միայն ստանում ես ցավ: Սիրտն բոլորից լավ է հիշում ինչպիսի էր դա` սիրել ու լցվել նրա սիրով: ՈՒ հոգին էլ թույլ չի տալիս մոռանալ, ինչպիսին էր դա` զգալ հոգով ուրիշ հոգու ու լինել մեկ ամբողջություն:

Continue reading

Անկեղծ ասած`…

“Անկեղծ ասած՝ այս ամենից ես հոգնել եմ” – նկատե՞լ եք, ինչքան խորը իմաստ կա այս նախադասության մեջ, ինչքան մեծ ցանկություն ամեն ինչից փախչելու ու հանգստանալու: Մեծն Սևակն իր նախադասությունների մեջ բոլոր մարդկանց ցավն է արտահայտել ու երևի, եթե բոլոր մարդիկ անկեղծ լինեին, “ինչպե՞ս ես” հարցին հենց այսպես կպատասխանեին` "հոգնել եմ": Անկեղծ եմ ասում, ես էլ եմ հոգնել, ախր ինչպես չհոգնել մի աշխարհից, որտեղ սերն ու բարությունը կորցրել է իր արժեքը, որտեղ մարդկանց միակ նպատակը շահն է: Ես հասկացել եմ, որ մեր այս աշխարհում սերն կարող է հայտնվել հանկարծակի ու մեռնել մեկ օրում, որ լավագույն ընկերները կարող են դառնալ լիովին օտար, իսկ անծանոթի մեջ կարող ես գտնել կյանքի ընկեր: Որ "այլևս երբեք"-ը այդպես էլ չի գալիս, իսկ "հավերժությունն" իր վերջը ունի: Որ համաձակվողն երբեք չի պարտվում, իսկ նա, ով չի համարձակվում, պարտվում է միշտ: Անկեղծ ասած` ես հասկացել եմ, որ ցավն անխուսափելի է, իսկ տառապել, թե ոչ, մեր սեփական ընտրությունն է: ՈՒ ամենակարևորն այն է, որ ես հասկացել եմ, որ անիմաստ է ժխտել ակնհայտը:
Երբեմն լինում է մի մեծ ցանկություն ամեն ինչ թողնելու`ուսում, աշխատանք, ամենօրյա հոգսեր: Երբեմն ուղղակի անտանելի է դառնում մնալ քաղաքում, դու ասես խեղդվում ես, չնայած, որ անձրև է եկել ու մաքուր է օդը: ՈՒզում ես ինչ-որ նոր բան, նոր գույներ, ուզում ես ավելացնել կարմիր, դեղին, կանաչ գույներ քո կյանքում, բայց չես կարող: Ամեն օր նույնն է, նույն դեմքերն ու նույն փողոցները: Յուրաքանչյուր օր նման է նախորդին: Անկեղծ ասած` հոգնել եմ այդ նույնությունից:

Continue reading

Կինոներ (մաս 5)

Այսօր կրկին վերադարձել եմ կինոների թեմային, որովհետև անցած գրառումը կիսատ էր ու կար ֆիլմեր, որոնց մասին չէի գրել: Այս գրառման մեջ գրելու եմ ֆանտաստիկա, կենսագրություն, դրամա ու մելոդրամա ժանրի ֆիլմերի մասին, իսկ սերիալներն թողնում եմ մյուս գրառմանը: Դե ինչ սկսենք:

Ֆանստաստիկան այն ժանրերից մեկն է, որն զարգացնում է երևակայությունը ու այդպիսի ֆիլմերի շնորհիվ էլ ավելի ես սկսում պատկերացնել: Միշտ զարմացել եմ այն սցենարիստների վրա, ովքեր գրում են սցենարներ ֆանտաստիկա ժանրում, իրոք որ, պետք է շատ վառ երևակայություն ունենալ այդպիսի հետաքրքիր ֆիլմեր ստեղծելու համար:

DIVERGENT“Divergent / Дивергент (2014)” – Այս ֆիլմի գործողությունները կատարվում են Չիկագոյում, որտեղ հասարակությունը բաժանված է հինգ խմբավորման (Խոհեմություն, Ընկերասիրություն, Անկեղծություն, Անվախություն և Ինքնազոհություն), որոնք իրենց մեջ ամփոփում են մարդկային ինչ-որ որակ։ Դեռահասներն պետք է անցնեն թեստ, որն էլ որոշում է, թե որ խմբավորմանն են նրանք պատկանում։ Ֆիլմի հերոսուհին Բեատրիսն է, ով ապրում էր Ինքնազոհություն խմբավորման մեջ, թեստի անցկացման ժամանակ պարզվում է, որ նա ոչ մի խմբավորման չի պատկանում, այսինքն՝ Դիվերգենտ է։ Եթե ինչ-որ մեկը իմանա դրա մասին, ապա նրա կյանքին վտանգ կսպառնա։ Ի վերջո խմբավորումների ընտրության ժամանակ նա ընտրում է «Անվախների» խմբավորումը:

Ինչի եմ նայել այս ֆիլմը, որովհետև նրա մեջ խաղում է Թեո Ջեյմսը, ամենասիրած ու ամենասիրուն դերասաններից մեկը, բացի դրանից ֆիլմն հետաքրքիր սյուժե ունի ու անսպասելի ավարտ, չես կարող պատկերացնել, թէ ինչպես կվերջանա այն: Մի խոսքով հտաշալի ֆիլմ է, ֆանտաստիկ դերասաններով ու սյուժեով:

NowYouSeeMe2_grande“Now You See Me / Иллюзия обмана (2013)” – Դենիել Ատլասը, Մերրիթթ ՄքՔինին, Հենլի Ռիվսը և Ջեյք Ուալդերը հրաշագործներ են, ովքեր մի գեղեցիկ օր հրավեր են ստանում «Око» կազմակերպությունից և միավորվելով ստեղծում են «Չորս Հեծյալներ» (Четыре всадника) քառյակը։ Նրանք շոուների ժամանակ բանկեր են թալանում, իսկ FBI-ի գործակալներին հիմարացնելով՝ մուկ և կատու են նրանց հետ խաղում։ Ոստիկանները ոչ մի կերպ չեն կարողանում ձերբակալել նրանց, քանի որ հրաշագործները միշտ 2 քայլ առաջ են լինում նրանցից և, երբ ոստիկանները մտածում են, թե նրանց մոտ ամեն ինչ ստացվել է, հրաշագործները լինում են հենց նրանց թիկունքի հետևում։

Ֆիլմն անչափ հետաքրքիր է, անկախ քեզանից հավատում ես նրանց կատարած հրաշքներին ու չես հասկանում ինչպես են անում, բայց ֆիլմի ընթացքում նրանք բացում են իրենց խաղաքարտերն ու ամեն ինչ ցույց տալիս: Առաջին մասը նայելուց հետո, չմոռանաք նայել նաև երկրորդ մասը` “Now you see me 2”, հենց երկրորդ մասի մեջ է իմ ամենասիրած պահը` երբ մեկ խաղաքարտը նրանք իրար են փոխանցում այնպես, որ ոչ մեկ չի հասկանում (երբ նայեք կհասկանաք, որ պահի մասին եմ խոսում): Դե ինչ, բարի դիտում:

Continue reading