Tag Archive | Սեր

Հոգիս ցավում է

f4f340e96027676aa4eee74a9738d19dՑավը փոխում է մարդուն, ինչպիսին էլ լինի մարդու բնավորությունը, սովորությունները, վերաբերմունքն ու մտածելակերպը, այն փոխվում է, երբ ինչ որ մեկն ցավեցնում է: Սիրտն այլևս նույն կերպ չի կարող սիրել ու աչքերն շրջապատող իրերին նույն կերպ չեն տեսնում, թեկուզ շատ քիչ, բայց ամեն մի վատ բան վերափոխում են քեզ, տանում են քեզ դեպի անտարբերություն:
Երբ ցավում է մարդու հոգին, նա ցավ է պատճառում նաև իր շուրջն գտնվող մարդկանց: Ես հասկացել եմ դա, ուշադիր հետևելով ինքս ինձ: Եթե ես եղել եմ կոպիտ ու ինչ որ մեկին ցավ եմ պաճառել, դա միայն այն պատճառով, որ հոգուս խորքում ինքս եմ տառապել, չնայած, որ միշտ փորձել եմ չցավեցնել մարդկանց, միշտ ուրիշներին ինքս ինձնից կարևոր եմ համարել ու ամեն ինչ արել եմ, որ հանկարծ նրանք ինձանից չնեղանան, հանկարծ ինչ որ մի բան ասելով չցավեցնեմ նրանց, իսկ նրանք… որոշ մարդիկ պատահական, իսկ որոշներն միտումնաբար են ցավեցրել, շատ լավ գիտակցելով, թե ինչ են անում ու որտեղ է պետք հարվածել, ուժեղ ցավ պատճառելու համար:Բայց մարդկանց տված ցավն էլի այնքան ուժեղ չէ, ինչքան կյանքի ու սիրո: Այս երկուսն ասես խաղում են քեզ հետ ու երբեք չես կարող իմանալ նրանցից ինչ սպասես: Continue reading

Advertisements

Հեռավորությունն իմ ու քո միջև

0c4cbc76480a14a699db15420ff1ba18Ընդամենը մեկ բացակա կա շուրջս ու թվում է, թե աշխարհում ոչ մի հարազատ անձնավորություն չկա: Թվում է, թե առանց նրա լռում է աշխարհս, կորչում է նրանում ամեն կարևոր բան: Ամեն տեղ փնտրում եմ այդ մեկ բացական, ով իր ներկայությամբ լցնում է ողջ էությունս, առանց նրա դադարում եմ շնչել, առանց նրա ժամանակս կանգ է առնում, մեկ վարկյանը տարի է թվում: Առանց նրա, թվում է, դատարկվել է աշխարհը: Հազարավոր աչքերի մեջ փնտրում եմ նրա աչքերը, հազարավոր մարդկանց մեջ փնտրում եմ հենց նրան, ով փոխեց էությունս, սովորեցրեց սիրել, սիրել աշխարհը սև ու սպիտակ գույներով, այդ գույների մեջ գտնել իմ տեղը, զգալ պաշտպանված, անվախ ու համարձակ: Նա սովորեցրեց ինձ պայքարել, դեմ կանգնել բոլորին ու պաշտպանել մեր սերը, հանուն նրան անել ամեն ինչ:
Սրտերս միմյանց է կապվել անտեսաների թելերով ու թեկուզ միմյանցից հեռու, տարբեր քաղաքներում ենք, բայց մեր սրտերն միասին է զարկում` միմյանց համար, զգում ենք իրար, կարոտում ենք: Իսկ հանդիպմանը խանգարում է հեռավորությունը, որ կանգնել է մեր մեջ և չի թողնում հասնել միմյանց ու լիարժեք երջանիկ լինել: Այն խանգարում է զգալ սիրած էակիդ ջերմությունը, նրա հպումները, նրա հետ անկեղծ ծիծաղել, ուրախանալ նրա հետ միասին, տխրել, երբ նա տխուր է, գրկել նրան, երբ աջակցության կարիք ունի ու ժպտալ նայելով նրա աչքերին: Continue reading

Ես հիվանդ եմ քեզանով

5e31099f97a1033aea385a67b866e529Կարծես թե ես կարոտել եմ քեզ: Այն մի քանի ամիսն, որոնց ընթացքում չեմ տեսել քեզ, ինձ համար հավերժություն են թվում, բայց դու միշտ մտքումս ես, նկարներդ թերթելով ու ամեն մեկն առանձին – առանձին երկար նայելով, առնում եմ կարոտս, հիշողությանս մեջ վերարտադրում եմ դեմքդ, նայվածքդ, դիմագծերդ… Կարոտում եմ քեզ, շա~տ:
Սերը հենց կարոտն է, առանց սիրելու ոչ ոք չի կարոտում: Սերը ինչ որ մեկին կարոտելն ու նրա հետ հանդիպմանն անհամբեր սպասելն է, մտածել նրա մասին ամբողջ օրը, երբ նա հեռու է քեզանից: Երբ նրա մասին մտքերն երջանկացնում են քեզ, երբ նրա ասած ամեն բառն մեծ ուշադրությամբ ես լսում, դու էլ խոսում ես, շատախոսում ես, իսկ նա քեզ սիրով լսում է ու հետաքրքրվում է ամեն օրովդ, որն անցկացրել ես նրա հետ ու առանց նրա, երբ նույնն են դառնում սովորություններդ ու նախասիրություններդ: Սերը` երբ դու նրան սիրում ես մինչև երկինք, իսկ նա քեզ` մինչև աստղերը: Կա սեր, որն հրաշքներ է գործում, կյանքի է վերադարձնում, կա սեր, որն անմահ է, ու մշտապես ապրում է հոգիներում, նույնիսկ, երբ մարմինն մեռած է: Continue reading

Յուրաքանչյուր թագավոր գտնում է իր թագուհուն

b955c92d73adc28cc8014b4998f0759fՄի օր դու կհանդիպես մեկին, ով կուզենա իմանալ քո մասին ամեն ինչ` ինչպես ես դու ուտում, ինչպես ես պարում, ինչպես ես ապրում օրվա ամեն մի վարկյանը ու ինչ ես զգում: Կուզենա իմանալ ինչպիսի տեսք ունես առանց դիմահարդարման, ինչպիսի շոկոլադ ես սիրում, ինչպիսի գիժ կարող ես լինել ժամանակ առ ժամանակ, ինչպես որոշ խաղեր, երգեր ու արարքներ կարող են քեզ երջանկություն պարգևել, ինչպես ես դու հոգնում, ինչպես ես բողոքում ավելորդ քաշից: Նա կիմանա քո մասին ամեն ինչ ու գիտե՞ս ինչ կլինի: Նա կշարունակի սիրել քեզ, օր օրի ավելի ուժեղ սիրահարվելով:
Կգտնես մի օր մեկին, ում համար կլինես շատ թանկ ու կարևոր, նույնիսկ հարկավոր: ՈՒմ կտաս քեզ ամբողջությամբ, քո ամբողջ ժամանակը, ամբողջ ուշադրությունն ու հոգատարությունը: Նրան, ով կախվածություն կունենա քեզանից, փոխդարձ կախվածություն: Մի օր կսիրահարվես մեկին, ով պատրաստ կլինի սպասել քեզ երկա~ր, կհասկանա քո բոլոր հայացքները, քո խենթությունները: Նա կօգնի քեզ այն հարցերում, որոնցում կարող է օգնել, իսկ որոնցում չի կարող` ուղղակի կլինի քո կողքին, հույս ու համարձակություն կտա: Կսիրահարվես նրան, ով կշարունակի գրել քեզ, նույնիսկ ամենամեծ վեճից հետո, ով կկարոտի քեզ ու կուզենա լինել քեզ հետ հավերժ: Continue reading

Մեկ սեր, ամբողջ կյանքի համար

2efa810e2791f8c75f576a1dad8605e6Սիրահարված մարդը, երբ փոխվում է, սկսում է համարել աննշան այն, ինչն առաջ կյանքից էլ կարևոր էր, կամ էլ աննշան բաներն դարձնում է ամենակարևոր: Նա ուզում է լինել հասկանալի, ոչինչ չասելով, ու լսելի, ոչինչ չպատմելով: Որովհետև սերը փոխում է մարդուն, իսկ եթե չի փոխում, ուրեմն դա սեր չէ: Սերն փոխում է ամեն ինչ, ինչ շրջապատում է մարդուն, սկսած մտածելակերպից ու վերջացրած արտաքինից: Սիրահարված մարդն տարբերվում է մյուսներից, նրա աչքերում կրակ է վառվում, նա փայլում է ամբողջ իր էությամբ, նրան երջանկացնում են ամենաաննշան բաներն ու նրա մեջ բարությունն է բնակություն հաստատում:
Կյանքում յուրաքանչյուր իրադարձություն փոխում է մարդուն, մի մասը դեպի լավը, մյուս մասն` ընդհակառակը, իսկ սիրո դերն այս գործում շատ ուժեղ է, այն կարող է հանել մարդուն մինչև երկինք, իսկ նրանից մնացած ցավն կարող է մեռցնել ու թաղել մարդուն:
Դժվար է սիրելը, իսկական սեր գտնելը, բայց օրերից մի օր այն գալիս ու թակում է սրտիդ դուռը, ու դու բացես, չբացես միևնույնն է, այն մտնում է առանց հարցնելու ու սկսում է քո մեջ ձևավորել իրենը, սկսում է ապրել քո մեջ ու քեզնով: Continue reading

Լինում են հանդիպումներ…

c5ea50993ed30841adb9352c5579ad16Լինում են հանդիպումներ այնպիսի մարդկանց հետ, որոնց հետ բաժանվել չես ուզում, երբ ամբողջ սրտով ցանկանում ես, որ նա չթողնի գնաս, պահի քեզ ևս մի քանի րոպե, իսկ նա, չուզելով, որ գնաս, ստիպված ասում է “գնա”: Երբ խոսում ես, ծիծաղում ես նրա հետ ու միաժամանակ, այդ ընթացքում հասկանում ես, թէ ինչքան ես սիրում նրան ու ինչքան ուրախ ես, որ նա ընդանրապես կա քո կյանքում: Երբ նայում ես նրան ու անկախ քեզնից ժպտում ես, իսկ երբ նա հարցնում է, թե ինչու ես ժպտում, պատասխան չես գտնում, որովհետև ինչ որ առանձնահատուկ պատճառ չկա քո ժպիտի, դու ժպտում, որովհետև նա կողքիդ է ու իր շագանակագույն աչքերով նայում է քեզ:
Աստված իմ, հիմա, երբ մտածում եմ այդ մասին, հասկանում եմ, թե ինչքան եմ ես սիրում այդ աչքերը: Դրանք սովորական շագանակագույն աչքեր են, բայց երբ ես նայում եմ նրանց մեջ, տեսնում եմ գույներ, որոնք գոյություն չունեն բնության մեջ: ՈՒզում եմ խորտակվել նրանցում, ուզում եմ այդ աչքերն միայն ինձ տեսնեն, իսկ ես միայն նրանց, այնքան խորհրդավոր ու սիրելի:
Մարդկանց հարկավոր են այդպիսի հանդիպումներ, որոնք կարող են ճակատագրեր փոխել, նրանք ուզում են իրենց կյանքում մեկին, ով կլինի իրենց կողքին, կլսի նրանց, կգրկի, երբ վատ են զգում ու իր գոյությամբ կյանքը լուսավոր կդարձնի: Continue reading

Ինքը միակն է միլիոնից

b83c6460bf0f172dc06dfd9dabcc9264Ես ուզում եմ ուղղակի բռնել նրա ձեռքը, հավատու՞մ ես: Հասկացիր, բռնել նրա ձեռքից… դա ոչնչի հետ չի համեմատվում: Բռնել նրա ձեռքից այնպես, որ չհասկացվի կա նրանցում շարժում, թե ոչ: Այնպես, որ զգամ նրա ձեռքերի ջերմությունը, նրա ուժը ու ինձ պաշտպանված զգամ: Այդպիսի պահը չի մոռացվի երբեք: Մնացած ամեն ինչ կարող է դուրս գալ հիշողությունից, իսկ այդ զգացողությունը ամբողջ կյանքում մնում է հիշողության մեջ: Երբ ուղղակի բռնում ես նրա ձեռքը, դրանով ամեն ինչ ասված է: Ես վստահ եմ, կանցնի ժամանակ, մնացած ամեն ինչ կկրկնվի ամեն անգամ, կդառնա սովորություն, բայց սկիզբը, ամենաառաջինը երբեք չի մոռացվի: Առաջին հանդիպում, առաջին sms, հեռախոսազանգ, առաջին համբույր, ոչինչ չի մոռացվի, այդ ամենը կարծես սիրած կինոի կադրերի նման կանցնեն աչքերիդ առջևով, միմյանց փոխարինելով մեկը մյուսից թանկ հիշողություններ:
Ես նրա ձեռքերի կարիքն եմ զգում, նրա տաք մատների, որոնք իրենց ջերմությունը կտան իմ սառը ձեռքերին: Continue reading