Tag Archive | Սիրահարված աչքերով

«Անակնկալ» սեր

VCZ_mSraVmYԻնչ հետաքրքիր բան է չէ՞ կյանքը: Որոշ ժամանակ առաջ դու վստահ էիր, որ ոչինչ չես զգում, որ չես ուզում ոչ մեկի սիրել, չես ուզում ոչ մեկի կողմից սիրված լինել, որ սեր կոչվածը քո համար չի, իսկ հիմա… հիմա ուղղակի նստած նայում ես հեռախոսիդ էկրանին ու 32 ատամով ժպտում: Ժպտում ես, որովհետև էկրանից այն կողմ այն մարդն է, ում հանդեպ արդեն կախվածություն ես զգում, անհամբեր սպասում ես նրա նամակին կամ զանգին, ով կարծես թե գրավել է սիրտդ ու նրա հետ խոսելով մոռացել ես բոլոր այն խոստումներիդ մասին, որ վերաբերվում էր ոչ մի դեպքում չսիրահարվելուն ու միշտ ուղեղին լսելուն: Չէ՛, միևնույնն է, երբ հարցն վերաբերվում է սիրուն, միշտ էլ սիրտն է հաղթում, ինչքան էլ ուժեղ լինի ուղեղը, չի կարող սրտին արգելել սիրել:
Երբեմն հարկավոր է դադարել դիմակայել փոփոխություններին ու թույլ տալ, որ կյանքդ լցվի սիրով: Քանի դեռ դու վախենում ես թողնել նրանց քո կյանք, ոչինչ չի լինի, չի թերթվի կյանքիդ այդ էջը ու նոր պատմություն չի գրվի: Բայց չէ՞ որ դու իրոք ուզում ես, որպեսզի տեղի ունենա այդ փոփոխությունները, որ կյանքդ լցվի իմաստով, որ ամեն առավոտ արթնանաս ինչ որ կոնկրետ պատճառով, ու ցանկալի կլինի, որ այդ պատճառը լինի հենց այն մարդը, ով քեզ դուր է գալիս: Այնպիսի փոփոխություն է ուզում հոգիդ, որ շունչդ կտրվի երջանկությունից, այպիսի սեր, որ սիրտդ արագ զարկի նրանով ու ամեն անգամ նրա մասին մտածելով ջերմանա հոգիդ, այլ ոչ թե կոտրվի այնպես, որ շնչել չկարողանաս: Continue reading

Մեկ աշխարհ` երկուսի համար

261643416a6bd633d7b2dce1296eec88Գիտեք, ինձ համար սիրելը` դա ցանկությունն է ինչ-որ մեկի հետ կիսել քո աշխարհը: Երբ մի պահ հասկանում ես, որ ամեն ինչ փոխվել է, հանկարծ բռնում ես քեզ այն մտքի վրա, որ սրտանց ուզում ես տեսնել, զգալ, դիպչել, ապրել ամեն ինչ` կիսելով ամեն զգացողությունդ մեկ այլ մարդու հետ, ու այդ մարդը ոչ թե աբստրակտ ու երևակայական է, այլ կոնկրետ մեկն է, ում մեջ քո ապագան ու երջանկությունն ես տեսնում: Նրա հայացքը, նրա կարծիքը, նրա զգացողությունները` կապված ամեն ինչի հետ, քեզ անչափ կարևոր են, հետաքրքիր են ու նույնիսկ հարկավոր: ՈՒ այնպիսի տարօրինակ զգացողություն է, երբ նա կողքիդ չէ, ասես, շուրջն ամեն հրաշալի բան կորցնում է իր իմաստը` բնությունը, աշխարհը, նկարները, բանաստեղծությունները, պատմությունները, երաժշտությունը… ամեն ինչ կորցնում է իր իմաստը, եթե նրանց մասին ոչ մեկի չես պատմում, ոչ մեկի հետ չես կիսում այն, ինչ ծնվում է քո գլխում, քո սրտում ու հոգու խորքերում:
Յուրաքանչյուրս էլ ունենք շատ բաներ, որ մենակ մերն է, մեր անձնականն է, մենակ մենք գիտենք ու մեր սեփականն է, բայց քո այդ ամենն հետաքրքրում է ինչ-որ մի կոնկրետ մարդու, իսկ նրանը` քեզ, ու դու այդ գաղտնիքներիդ մասին ուզում ես ասել նրան ու իմանալ նրա մասին ամեն ինչ, որ կարողանաս ամբողջությամբ ճանաչել նրան, լինել նրա հետ մի ամբողջություն: Continue reading

Իմ կյանքի կես, իմ ճակատագիր

b77712e55ce2b54b283ad0bb03ed20f0Իսկական տղամարդն արարքներով կապացուցի իր անկեղծությունն ու նրբությունը ու սիրուց բացի ոչինչ չի խնդրի քեզանից: Չի խնդրի ոչինչ, բացի հնարավորությունից անվանել քեզ “իրենը” ու նույնիսկ չի մտածի դավաճանելու մասին, քանի որ նրա համար դու կլինես ամենալավն ու ամենագեղեցիկը: ՈՒ ինչ էլ դու անես, ինչ էլ մտածեն ծնողները, ինչ էլ ասեն ընկերները, դա կմնա անփոխարինելի: ՈՒ դու կիմանաս, որ ինչ էլ պատահի, նա հենց այնպես չի հրաժարվի քեզանից, թույլ չի տա, որ իր պատճառով թեկուզ մի կաթիլ արցունք թափվի քո աչքերից, որովհետև այդ աչքերն նրա համար ամեն ինչ են, ու պատրաստ կլինի վերացնել այն մարդուն, ում պատճառով կլացես: ՈՒ քեզ հասնելու համար, նա չի վախենա լինել համարձակ, անել ամեն ինչ, նույնիսկ հայտնվել ծիծաղելու ու անհարմար դրության մեջ: Նա կվախենա միայն մի բանից` լինել քեզ համար ավելորդ ու օտար, կորցնել քեզ հավերժ: Continue reading

Ես քո կողքին եմ

884bad6a58d931e808ba82550e82170aՍովորիր ճիշտ ժամանակին թողնել այն մարդկանց, ովքեր ուզում են գնալ: Դա է մարդկանց հանդեպ կապվածության դեմ ամենագլխավոր օրենքը: Երբ դու, քո սերն կորցնելու վախով, կախվում ես մարդուց, կորցնում ես ավելի շատ բան: Վաղ թե ուշ, այն մարդիկ, ովքեր գնալու են քո կյանքից, կգնան, այդքանն էր նրանց դերն քո կյանքում: Պետք չէ մեղադրել այդպիսի մարդկանց, ճիշտ է, երբեմն դժվար է համակերպվել այն մտքի հետ, որ բոլոր քեզ հարազատ մարդիկ թողնում են ու գնում, բայց ժամանակի հետ հասկանում ես, որ դա այդպես էլ պետք է լիներ, եթե չգնան նրանք, նոր մարդիկ չեն հայտնվի, որոնք գուցե մնան քո կյանքում հավերժ:
Յուրաքանչյուր մարդ, ով հայտվում է մեր կյաքնում, ինչ-որ դեր է կատարում, իսկ վերջացնելուց հետո, ուղղակի գնում է, ինչ-որ պատճառներ ասելով, կամ էլ անպատճառ ու լուռ: Բայց օրերից մի օր, երբ գա իսկական պահը, կգա մեկը ու կմնա կողքիդ մինչև հավերժություն, ով քո ճակատագիրը կլինի, ու չի հեռանա քեզանից, նույնիսկ եթե դու փորցես ազատվել նրանից:
Ես հավատում եմ, որ յուրաքանչյուր մարդ ունի իր հարազատ հոգին, որին ամբողջ կյանքի ընթացքում փնտրում է: Իհարկե ոչ բոլորն են գտնում, բայց ես հավատում եմ, որ երբեմն կյանքն լինում է այնպիսին, ինչպես ֆիլմերում ու գրքերում է` գեղեցիկ, հրաշքներով լցված ու գունավոր: Continue reading

Գլխապտույտ երջանկություն

bf2a9921f1e26b644534aceeb547796dԵթե հարցնեք ինձ, թե ինչ է սերը, ես ոչինչ չեմ ասի ու ուղղակի լուռ կմնամ, պատճառը մեկն է` ես չգիտեմ: Չնայած, որ այդքան բան եմ գրել սիրո մասին, բայց այդ հարցին կոնկրետ պատասխան չեմ կարող տալ: Սերն, երևի, ընտրություն է, մենք ենք ընտրում սիրել, թե չէ, լինել հավատարիմ, թե ոչ այնքան: Ես չգիտեմ սերն ինչից է սկսվում ու երբ է վերջանում: Հնարավոր է, սերն մի շատ լուրջ հիվանդություն է, որի դիմաց մարդկությունն դեղ չի հնարել: Կամ էլ սերն մի իդեալական աշխարհ է, որն ստեղծում են երկու հոգի` միմյանց համար: Միայն մի բան կարող եմ վստահ ասել, որ եթե սերն վերջացել է, ապա դա սեր չի եղել:
Ես չեմ կարող հասկանալ ինչպես հարյուրավոր տարբերվող մարդկանց միջից հայտնվում է մեկը, ով այնպես է գրավում քեզ, որ մյուսներն, նրա համեմատ, թվում են անհետաքրքիր ու անկարևոր: ՈՒ այդ մարդը լինում է ճիշտ հակառակը քո բոլոր պատկերացումների, նա ուղղակի գալիս է ու ոչնչացնում է բոլոր պատկերացումներդ, ու դու ոչինչ չես կարողանում անել այդ ամենի հետ:
Դու կսկսես դանդաղորեն խորտակվել նրա մեջ, որովհետև մյուսներն քո համար նշանակություն չեն ունենա: Continue reading

Սիրո ամենաուժեղ դրսևորումը

7b3d2d6bd7cbb651ade9239c9c1ddf32Մեզ թվում է, որ սիրո ամենագլխավոր դրսևորումը, դա համբույրներն ու գրկախառնությունն է: Ոչ՛, դա ամենաթույլ արտահայտումն է սիրո: Ամենաուժեղ դրսևորումը` դա մարդուն ընդունելն է այնպիսին, ինչպիսին նա կա:
ՈՒզու՞մ ես գտնել այնպիսի մարդու, ում հետ կլինես երջանիկ, ում հետ կկարողանաս լինել հաջողակ ու վստահ ապագայի վրա՞: ՈՒրեմն, ընտրիր նրան, ով կկարողանա կիսվել քեզ հետ հոգնածության, սեփական պրոբլեմների ու կասկածների մասին: Նրան, ով հանուն քեզ կկարողանա ոտքի տակ առնել սեփական հպարտությունն ու ինքնասիրությունը, իսկ դու քո հերթին կկարողանաս որոշ զոհողությունների գնալ: Նրան, ում կյանքում դու կլինես առաջին տեղում:
Ընտրիր այն մարդուն, ով քեզ տեսնելուց անկեղծ կուրախանա ու կհպարտանա նույնիսկ քո ամենափոքր հաջողությունով: Նրան, ով, անկասկած, քեզ կնվիրի իր հոգին ու սիրտը, ով օդի պես քո կարիքն կզգա: Նրան, ում հետ կկարողանաս լինել բնական, ինչպիսին իրականում կաս, ում հետ ջերմ է ու հարմարավետ:
Ընտրիր այն տղամարդուն, ում մեջ, անխոս, կա տղամարդկային ամենագլխավոր բնավորության գիծը` նա անում է այն, ինչն խոստացել է: Միշտ: Հենց դրանից ելնելով, թե ինչքանով է համապատասխանում նրա տված խոստումների քանակն` կատարած խոստումների քանակի հետ, դու կլցվես նրա հանդեպ հարգանքով, առանց որի ընտանիք լինել չի կարող: Սեր լինել չի կարող: Continue reading

Հայացքդ բառերի փոխարեն

imageՀետաքրքիր է, ինչքան ուժեղ կարող են մարդիկ ազդեցություն գործել մեր վրա: Ինչպես ընդամենը մի մարդու բացակայությունը կարող է տխրության ու դեպրեսիայի մեջ գցել մարդուն, իսկ նրա ներկայությունը դարցնել քեզ աշխարհի ամենաերջանիկ մարդը ու նվիրել դեմքիդ ժպիտ մինչև ականջներ: Մի հայացքը կարող է փոխել կյանքդ, մտածելակերպդ, մեկ մարդն կարող է մտնել քո կյանք ու ամբողջովին փոխել քեզ, դառնալ շատ կարևոր ու թանկ:
Մարդկային հայացքում այնքան շատ բան կա թաքնված, որ այն կարող է տակնուվրա անել զգացմուքններդ, սիրտդ ու հոգիդ, կյանքդ: Յուրաքանչյուր հայացք ունի ինչ – որ նշանակություն, ինչ – որ իմաստ, որն երբեմն շատ պարզ է ու հասկանալի, իսկ երբեմն գաղտնի ու խորհրդավոր:
Ամեն ինչ սկսվում է հայացքից, միշտ … Երկու հայացքներ հանդիպում են իրար ու երկուսի սրտում էլ վառվում է կրակ, սիրո կրակը, որն սկսվում է հայացքներով, սիրահարվածությամբ ու դառնում է անսահման մեծ սեր: Ամեն ինչ սկսվում է հայացքից, ես դա զգացի, երբ սկսեցիր նայել ինձ արտասովոր հայացքով, դա նման չէր մնացած հայացքներին, որ դա սովորական ընկերական հայացք չէր ու տարբերվում էր նրանցից, թե ինչպես էիր նայում ինձ մինչ այդ:  Continue reading

Սերն իմ սրտում

068955bedc685dbc06b139c91929fb1dԱշխարհն փոխվել է, մեր ժամանակներում մարդկանց վստահելն այնքան վտանգավոր է դարձել, այնքան դժվար է հավատալ ինչ – որ մեկին: Կյանքի կարևոր արժեքներն ընկել են երկրորդական պլան, իսկ առաջին տեղում շահն է, փողն ու չարությունը: Դա է պատճառն, որ երբեմն վախենում ես հավատալ մարդկանց խոսքերին, չես ուզում արտահայտել զգացմունքներդ ու այն ամենն, ինչ կա հոգուդ մեջ` վախենալով, որ կարող են խաղալ զգացմունքներիդ հետ ու կոտրել սիրտդ:
Յուրաքանչյուր մարդ, որն հայտնվում է կյանքումդ, հայտնվում է շատ հանկարծակի, այն պահին, երբ չէիր սպասում, ու հայտնվում է նա, ով բոլորովին անծանոթ էր, կամ էլ տեսել էիր ընդամենը մի քանի անգամ, բայց երբեք չէիր պատկերացնի, որ հնարավոր է իրար հետ ինչ – որ կապ ունենաք: Բայց, ինչպես գիտեք, ճակատագիրն սիրում է անսպասելի անակնկալներ անել ու կյանքումդ շատ պատահական հայտնվում է մեկը, ով իր ամբողջ սերն ու ուշադրությունն քեզ է նվիրում, ով քո համար պատրաստ է լինում ամեն ինչի ու փորձում է ամեն ինչ անել այնպես, որ հանկարծ չնեղացնի քեզ ու շահի վստահությունդ: Իսկ դու… դու չես վստահում, չես կարողանում վստահել, վախենում ես խաբվելուց ու զգացմունքներդ արտահայտելուց, վախենում ես, որ կկոտրեն սիրտդ ու կխաղան զգացմունքներիդ հետ, ու այդ վախով ապրելով չես նկատում ոչինչ, ոչ նրա տված սերը, ոչ խոսքերն ու արարքները: Continue reading

Նա, ում պետք ես, միշտ կլինի կողքիդ

32ddb6f197a93d32723aba3d48c5d6faԵթե մարդն չի գրում, ուրեմն նա ուղղակի չի ուզում: Սրճարանում, տանը, խնջույքին` բազմաթիվ հյուրերի ու բարեկամների հետ, յուրաքանչյուր տեղ ու յուրաքանչյուր իրավիճակում մարդն կգտնի հնարավորություն հանել հեռախոսը գրպանից ու ուղարկել մի քանի բառ: Բայց միայն եթե իրոք քո կարիքն ու քեզ հետ շփվելու ցանկություն ունի: Այդ ամենին չի ազդում ոչ ալկոհոլը, ոչ թմրանյութը, ոչ երկրի քաղաքական վիճակն ու ոչ էլ եղանակի տեսությունը: Այստեղ ամեն ինչ շատ ավելի պարզ է: Գրում են, երբ ունեն ցանկություն: Քո գոյության մասին պետք չի հիշեցնել, քո գոյության մասին չեն մոռանում, եթե իրոք նրանց համար կարևոր ես:
Նա, ում պետք ես, կգա քեզ մոտ ամեն օր, չնայած զբաղվածությանը, կգտնի քեզ համար 5 րոպե ժամանակ, որպեսզի ձայնդ լսի: Նա, ում պետք ես, չի ստի քեզ երբեք, թեկուզ միայն այն պատճառով, որ քեզանից թաքցնելու ոչինչ չունի, նա թույլ չի տա ամբողջ գիշեր լինել online ու չքնել, նա հոգ կտանի քո մասին, կհետաքրքրվի ինչպես է անցել օրդ, առավոտյան հաց կերել թե ոչ, տանից դուրս գալուց տաք հագնվել ես թե ոչ: Նա, ում պետք ես, ոչ միայն չի մոռանա ծննդյանդ օրվա մասին, այլև քեզ հետ կլինի ամբողջ օրը ու մի մեծ տոն կդարձնի այդ օրը քեզ համար: Նա, ում պետք ես, չի տա պատճառ մտածելու, որ չի սիրում էլ քեզ ու չի անջատի հեռախոսը, մինչև որ չպարզվի հարաբերությունները ու չբարիշեք: Նա կգիտենա, թե այսօր ինչ ես արել / անում / անելու: Continue reading

Յուրաքանչյուր թագավոր գտնում է իր թագուհուն

b955c92d73adc28cc8014b4998f0759fՄի օր դու կհանդիպես մեկին, ով կուզենա իմանալ քո մասին ամեն ինչ` ինչպես ես դու ուտում, ինչպես ես պարում, ինչպես ես ապրում օրվա ամեն մի վարկյանը ու ինչ ես զգում: Կուզենա իմանալ ինչպիսի տեսք ունես առանց դիմահարդարման, ինչպիսի շոկոլադ ես սիրում, ինչպիսի գիժ կարող ես լինել ժամանակ առ ժամանակ, ինչպես որոշ խաղեր, երգեր ու արարքներ կարող են քեզ երջանկություն պարգևել, ինչպես ես դու հոգնում, ինչպես ես բողոքում ավելորդ քաշից: Նա կիմանա քո մասին ամեն ինչ ու գիտե՞ս ինչ կլինի: Նա կշարունակի սիրել քեզ, օր օրի ավելի ուժեղ սիրահարվելով:
Կգտնես մի օր մեկին, ում համար կլինես շատ թանկ ու կարևոր, նույնիսկ հարկավոր: ՈՒմ կտաս քեզ ամբողջությամբ, քո ամբողջ ժամանակը, ամբողջ ուշադրությունն ու հոգատարությունը: Նրան, ով կախվածություն կունենա քեզանից, փոխդարձ կախվածություն: Մի օր կսիրահարվես մեկին, ով պատրաստ կլինի սպասել քեզ երկա~ր, կհասկանա քո բոլոր հայացքները, քո խենթությունները: Նա կօգնի քեզ այն հարցերում, որոնցում կարող է օգնել, իսկ որոնցում չի կարող` ուղղակի կլինի քո կողքին, հույս ու համարձակություն կտա: Կսիրահարվես նրան, ով կշարունակի գրել քեզ, նույնիսկ ամենամեծ վեճից հետո, ով կկարոտի քեզ ու կուզենա լինել քեզ հետ հավերժ: Continue reading