Tag Archive | My Blog

Կյանքի մի նոր էջ

3678cc9e46ed4ab7e95d32f280c873d0Միշտ էլ դժվար է սկսել կյանքը նոր էջից, բայց երբեմն դա շատ է հարկավոր: Նամանավանդ այն ժամանակ, երբ մտածում ես ու հասկանում ես, որ առջևում փակուղի է ու այլևս առաջ գնալու տեղ չկա, ու նշանակություն չունի ինչ ոլորտի մասին է խոսքը: Հարկավոր է միայն ինքներս մեր մեջ գտնենք ուժ նրա համար, որպեսզի հավաքենք համարձակություն, մաքրենք մեր աչքերից արցունքներն ու ասենք ինքներս մեզ «ես կարող եմ, ես կանեմ»: Հարկավոր է ինքներս մեր մեջ գտնենք այն ուժը, որպեսզի չհանձնվենք ու շարունակենք շարժվել առաջ, ու երբեք չմեղադրենք մեզ անհաջողությունների ու սխալների համար, մենք փորձել ենք լինել երջանիկ, ուղղակի գնացել ենք ոչ ճիշտ ուղիով, ոչ ճիշտ ճանապարհով: Ոչ մի վախենալու բան չկա նրա մեջ, որ ունենաս համարձակություն ու ամեն ինչ փոխես, նույնիսկ եթե հարկավոր է ամեն ինչ սկսել սկզբից, իհարկե դժվար կլինի, ոչ մեկ չի ասում, որ ապրելն հեշտ է, շատ դժվարություններ կհնադիպեն, բայց մենք կարող ենք հաղթահարել դրանք: Դժվարություններն հաղթահարելով ձեռք ենք բերում փորձ, սխալներն թույլ են տալիս տեսնել ամեն ինչ ուրիշ կողմից ու այլ ձևի ընկալել: Երբ դու քեզ հարմարավետ չես զգում կյանքի այս րոպեներին, քեզ տանջում է այն զգացողությունը, որ կյանքն անցնում է ու դու ոչինչ չես հասցնում, երբ չես կարողանում հանգիստ շունչ քաշել, պետք է կանգնել, ուղղակի կանգնել ու հետ նայել անցած ճանապարհիդ, տալ շատ հարցերի պատասխան, որոնք տանջում են քեզ, հասկանալ արդյոք ամեն ինչ այնպես է, ինչպես ինքդ ես ուզում: Continue reading

Advertisements

3 տարի Tik time-ի հետ միասին ❤️

clocks-time-wallpaper-03.jpg3 տարեկա՞ն: Ինչքան արագ է թռնում ժամանակը: Արդեն երեք տարի անցավ այն օրից, երբ բլոգումս հայտնվեց առաջին գրառումս: Այն երջանկության մասին էր, ու երբ կարդում եմ այդ ամենաառաջի գրառումը, ինքս երջանկություն եմ զգում, որովհետև հենց այդ գրառումով սկսվեց աշխատանքս բլոգում, նրանով կազմավորվեց մտքերիս ու երազանքներիս աշխարհը online տիրույթում:
Արդեն երեք տարի է, ինչ գործում է բլոգս, ու այդ երեք տարվա ընթացքում չեմ դադարել գրել, փորցել եմ շարունակել աշխատանքս ու գրել եմ այն ամենի մասին, ինչ սրտումս կա: Եթե սրտումս չլինի, եթե ոչինչ չզգամ, չեմ կարողանա գրել, որովհետև այդ ամենն սրտիցս է գալիս, սիրտս է թելադրում, իսկ ես գրում եմ: ՈՒ այնքան ուրախ եմ, որ շատերն են կարդում գրածներս, որ ունեմ այդքան ընթերցողներ, հրաշալի կարծիքներ եմ լսում բլոգի ու գրառումների մասին ու ստանում եմ պատվերներ տարբեր թեմաներով շարադրություններ գրելու: Յուրաքանչյուր կարծիք, յուրաքանչյուր գովասանք կամ խրախուսանք էլ ավելի է շատացնում ձգտումս գրելու ու ստեղծագործելու: Իսկ գրել հետևորդների առաջարկած թեմաներով ու կատարել նրանց պատվերներն ամենահետաքրքիրն է, որովհետև շատ հաճախ ինձ համար անծանոթ ու նոր վերնագրով թեմաներ են խնդրում գրել: Continue reading

Մեր կյանքը մեր ձեռքերում է

mustang_wanted_5_lepotamiraru.jpgԱշխարհի վրա կա քեզ համար ամենաքիչը 2 կարևոր էակ, որոնց համար դու պատրաստ ես քո կյանքը տալ: Ամենաքիչը 13 հոգի, ովքեր սիրում են քեզ: Միակ պատճառը, որի համար հնարավոր է ինչ որ մեկն ատում է քեզ, դա այն պատճառով, որ նա ուղղակի ուզում է լինել քեզ նման:
Քո ժպիտը կարող է երջանկացնել նույնիսկ նրանց, ում դու դուր չես գալիս, այն կարող է նշանակել ինչ որ մեկի համար ամեն ինչ: Ամեն գիշեր, ինչ որ մեկը մտածում է քո մասին: Ինչ որ մեկի համար դու ամենինչ ես, ամբողջ մի աշխարհ: Նույնիսկ եթե դու կյանքում ինչ որ սխալ ես թույլ տալիս, դրա հետ էլ անպայման ինչ որ լավ բան է լինում: Կյանքում ոչինչ չի լինում հենց այնպես, ամեն ինչ ունի իր պատճառները ու եթե կյանքիդ ճանապարհին հանդիպում ես ինչ որ խոչնդոտների, դժվարությունների կամ էլ արկածների, ապա դրանք անպայման քեզ ինչ որ բան են ցույց տալիս, սովորեցնում են տարբերել սուտը ճշտից ու գնահատել արդարությունը, մարդկայնությունը ու մտածել, որ դու կարող ես թեկուզ մի փոքր փոխել աշխարհը, փոխելով ինքդ քեզ: Երբ դու մտածում ես, որ կյանքն քեզանից երես է թեքել, ուղղակի նայիր նրան մի այլ անկյունից, հաճախ մեր հարցերի ճիշտ պատասխաններն շատ մոտ են լինում մեզ, ուղղակի դրանք տեսնելու համար հարկավոր է թեքվել ու մի այլ կողմից նայել հարցին: Միշտ հիշիր, եթե կյանքը քեզ ևս մեկ շանս է տալիս,ապա քո մոտ ամեն ինչ կստացվի:  Continue reading

Ժամանակն անզոր է հիշողության դեմ

 

imageԻնչ տարօրինակ է… Անցնելով տարիներ, իմ մեջ դեռևս մնում են հիշողություններ քո մասին: Ես հիշում եմ քո ձայնը` խռպոտ ու ինքնավստահ, որն ամեն անգամ լսելիս, սիրտս արագ էր զարկում: Հիշում եմ աչքերդ, որոնք միշտ այնպես խորաթափանց էին նայում իմ էության մեջ, որ ամեն անգամ մարմնովս սարսուռ էր անցնում քո հայացքից: Հիշում եմ ձեռքերիդ ջերմությունը: Դա երևի իմ ամենասիրելի հիշողությունն է: Ոչ քեզանից առաջ ու ոչ էլ քեզանից հետո, ոչ մի հպում չէր կարող ջնջել հետքերն այն նրբության, որը դու թողել էիր մաշկիս վրա: Ես հիշում եմ խենթ գիշերները, որ անցկացնում էինք անվերջ խոսելով, ու նշանակություն չուներ, որ հեռու էինք իրարից, այդ հեռախոսային կապը մեզ մոտեցնում էր իրար, անգամ ավելի շատ, քան ֆիզիկապես էր հնարավոր լինել: Continue reading

Խեղդվում եմ մտքերիս մեջ

666348cf8afd4b54906a884f571d8883_i-290Մտքեր… Մտքեր… ՈՒ էլի մտքեր… Կրկին սկսել եմ չքնել գիշերը այդ մտքերի պատճառով: Հազիվ կարողացել էի ազատվել այդ տանջող սովորությունից, իսկ հիմա կրկին մտքերս չեն թողնում քնել: Ապրած ամեն մի վարկյանը ֆիլմի նման անցնում է աչքերիս առջևով, իսկ պատկերացումներս, ասես, երազ լինեն` իրական ու միևնույն ժամանակ երևակայական: Ա~խ էլի մտքեր, մտորումներ շրջապատող ամեն ինչի մասին: Մտածում եմ էլի, բայց շատ բաներ այդպես էլ հասկանալ չեմ կարողանում, որոշ արարքների պատճառներ չեմ գտնում, որոշներին ներել չի ստացվում, որոշներին էլ` վստահել: Մտքերիս մեջ հարցերիս պատասխաններն եմ փնտրում, ինքս ինձ հարցնում եմ, իսկ պատասխան չունեմ: Երբեմն մտքերն օգնում են հասկանալու շատ բաներ, բացատրելու ու կշռադատելու, իսկ երբեմն դրանք սպանում են, չեն թողնում ապրել, անխնա տանջում են: Մտածելու ունակությունն երբեմն անտանելի է դառնում: Continue reading

Իմ մտքերի անկյունը այսօր դառնում է 2 տարեկան, ուռռաաաա~

2 տարի, 120 գրառում, 15 265 ընթերցող ու անսահման ուրախություն: Արդեն 2 տարի է, ինչ մենք գոյություն ունենք ու անչափ ուրախ եմ այսպիսի հաջողության հասնելու համար: Ճիշտ է, այստեղից ես ոչ մի օգուտ կամ եկամուտ չունեմ, բայց հենց սկզբից էլ դա չի եղել իմ նպատակը: Այս բլոգը իմ հոբին է, իմ կյանքի մի մասն է դարձել, իմ օրագիրն ու մտքերիս անկյուն: fdԱյն, ինչ չեմ կարող բարձրաձայնել, գրում եմ այստեղ ու այս ձևով եմ մարդկանց հայտնում կարծիքս` գրառմանս մեջ ներառելով շատերի մտքերն ու զգացմունքները: Չէ որ, մենք միմյանցից տարբեր լինելով հանդերձ, շատ նման են իրար` զգացմունքներով, մտքերով, ապրած կյանքով, ու ես փորձում եմ այդ ամենը գրել իմ գրառման մեջ, որ ամեն ոք այն կարդալուց գտնի իր մասին գրված ինչ որ բան, իրեն վերաբերվող մի հատված:
Հիմա յուրաքանչյուր ոք ունի իր կարծիքը արտահայտելու իրավունք, իսկ ես այս ձևով եմ արտահայտում իմ մտքերը (այսպես որ շարունակեմ մի փիլիսոփայական գրառում կդառնա սա 😀 , այդ պատճառով…)
Սիրելիներս, շնորհակալ եմ բոլորիցդ, ովքեր այս 2 տարվա ընթացքում իմ կողքին են եղել, օգնել են ինձ, խրախուսել ու աջակցել են, անընդհատ սպասել ու միշտ կարդացել են պոստերս: Continue reading

Քո մեջ գտա երջանկությունս

37092e63-52a8-40c5-b45d-6ed368615474Լինում է չէ, երբ նայում ես մարդուն ու նրա մեջ տեսնում երազանքդ, նա իր ամբողջ էությամբ գրավում է ու այլևս ոչ ոք չի հետաքրքրում քեզ: Նրանում ես գտնում այն բոլոր հատկանիշներն, որոնք համապատասխանում են քո իդեալին, ու ընդհանրապես նշանակություն չունի, որ նա իդեալական չէ ու երբեք էլ չի լինի, որովհետև երբ սիրում, ես այլևս այդ իդեալականը կարևոր չի լինում, նա դառնում է երազանքներիդ ասպետը` այնքան սպասված:
Երբ սկսում ես սիրել, աշխարհն փոխում է իր գույները ու աչքերիդ առջև հայտնվում է մեկը, ում համար պատրաստ ես թողնել ամեն ինչ, նույնիսկ ամենաթանկը, որովհետև այդ պահից սկսած, ամենաթանկը դառնում է հենց նա, ու հանուն նրա պատրաստ ես զոհել ամեն ինչ, նրա հետ պատրաստ ես գնալ աշխարհի ծայրը, նրա հետ կյանքը հրաշալի է ու հեքիաթային, ու փոքր տարիքում երազած այդ հեքիաթը դառնում է իրական, ու նրանում գլխավոր հերոսները դառնում են արքայազնն ու արքայադուստրը, որոնք ապրում են երկար ու երջանիկ:
Կյանքում կարող է պատահել ամեն ինչ, նրանում այնքան շատ են անակնկալները, յուրաքանչյուր պահի կարող է փոխվել մեզ համար կյանքը, կարող է դառնալ ամբողջովին ուրիշ:  Continue reading